सुर्खेत । सुर्खेतमा गाडी दुर्घटना हुँदा तीन जनाको मृत्यु भएको छ । शुक्रबार दिउँसो सवा दुई बजे दैलेखबाट सुर्खेत आउँदै गरेको कर्णाली प्रदेश ०२००१ ख ९९८ नम्बरको गाडी सुर्खेत र दैलेखको सीमानामा दुर्घटनामा परेको हो ।
उक्त दुर्घटनामा मृत्यु भएकाहरूको पहिचान खुलिनसकेको जिल्ला प्रहरी कार्यालय सुर्खेतका प्रवक्ता डिएसपी वीरेन्द्रवीर विश्वकर्माले जानकारी दिनुभयो । उहाँका अनुसार उहाँहरूको घटनास्थलमै मृत्यु भएको हो ।
दुर्घटनामा २४ जना भन्दा बढी घाइते छन् । घाइतेहरूलाई उपचारका लागि कर्णाली प्रदेश अस्पतालमा लगिएको डिएसपी विश्वकर्माले बताउनुभयो । गाडी सडकबाट तल खसेको थियो ।
