नेपालगन्ज । नेपालगन्ज म्याराथनमा सहभागि भएर पुरस्कृत भएका एक बृद्धलाई नेपालगन्ज उपमहानगरपालिका वडा नम्बर १२ ले सम्मान गरेको छ ।
केही समयअघि नेपालगन्जमा सम्पन्न म्याराथनमा सहभागि भएर पुरस्कृत हुन सफल हुने नेपालगन्ज १२ का वडाबासी मंगल तामाङ्गलाई वडाले बुधबार सम्मानित गरेको छ ।
वडा कार्यालयमा एक कार्यक्रमको आयोजना गरेर वडाले सम्मान पत्रसँगै सामान प्रदान गरेको वडाअध्यक्ष तरुण बज्राचार्यले जानकारी दिनुभयो ।
६८ वर्षीय तामाङ्ग नेपालगन्ज म्याराथनमा सहभागि भएर छैठों हुन सफल हुनुभएको थियो । यो उमेरमा पनि म्याराथनमा सहभागि भएर पुरस्कृत हुनु वडाका लागि गर्वको कुरा भएको वडाअध्यक्ष बज्राचार्यको भनाई छ ।
तामाङ्गलाई वडाका जनप्रतिनिधिले सम्मान पत्र प्रदान गर्नुका साथै ट्रयाकसुट र टिसर्टपनि प्रदान गरिएको छ । तामाङ्ग ४२ किलोमिटिर फुल म्याराथनमा सहभागि भएर छैठौं हुनुभएको थियो । नेपालगन्ज म्याराथन आयोजक संस्थाका टिएस ठकुरीको समन्वय तथा उपस्थितिमा तामाङ्गलाई सम्मान गरिएको हो ।
