नेपालगन्ज । नेपाली कांग्रेसका सबै शुभेच्छुक संस्थाहरुले ७७ जिल्लामा शनिबार बिरोध प्रदर्शन गर्ने भएका छन् ।
प्रतिनिधिसभा विघटन विरुद्ध कांग्रेसका सबै १८ वटै शुभेच्छुक संस्थाहरुको आयाेजनामा बाँकेमा पनि ट्रेड युनियन कांग्रेसको नेतृत्वमा प्रदर्शन हुने भएको हो ।
बाँकेमा कांग्रेसका ७ वटा शुभेच्छुक संस्थाहरुद्वा गरिने प्रदर्शनकाे नेतृत्व ट्रेड युनियन कांग्रेस बाँकेका अध्यक्ष राम बहादुर मल्लले गर्नुहुनेछ ।
शनिबार ११ बजे बिहान नेपाली कांग्रेस पार्टी कार्यालयबाट सुरु हुने बिरोध प्रदर्शनमा शुभेच्छुक संस्थाहरुका नेता-कार्यकर्ता तथा पार्टीका नेताहरुलाई समेत सहभागी हुन अध्यक्ष मल्लले आग्रह गर्नुभएकाे छ ।
बाँकेमा बिरोध प्रदर्शनमा सहभागी हुने शुभेच्छुक संस्थाहरुमा नेपाल शिक्षक संघ, नेपाल प्रजातान्त्रिक प्राध्यापक संघ, डिएलए, नेपाल निजामती कर्मचारी युनियन, नेपाल प्रेस युनियन, नेपाल सांस्कृतिक संघ र नेपाल ट्रेड युनियन कांग्रेससँग आवद्ध २१ वटा संघको सहभागिता हुने भएको छ ।
