दाङ । राप्ती नदीमा आएको बाढीले बगाउँदा देउखुरीमा एक महिलाको ज्यान गएको छ ।
राप्ती गाउँपालिका वडा नं ४ मौरीघाट निवासी ५२ वर्षीया बसन्ता गिरीको राप्ती नदीले बगाउदा मृत्यु भएको जिल्ला प्रहरी कार्यालय दाङले जनाएको छ ।
बगेकी महिलाको शव झण्डै ११ किलोमिटर टाढा दुरीमा फेला परेको थियो ।
नदी तर्ने क्रममा महिलालाई बगाएको हुन सक्ने प्रहरीले जनाएको छ । शव पोस्टमार्टमका लागि लमही अस्पतालमा राखिएको छ।
