नेपालगञ्ज । बाँकेमा क्रियाशिल १५ वटा स्वास्थ्य संगठनहरुले भेरी अस्पताल नेपालगञ्जमा भएको आक्रमणको घटनाको भत्र्सना गरेका छन ।
शुक्रबार बिहान संयुक्त विज्ञप्ती जारी गर्दै १५ वटा स्वास्थ्य संगठनहरुले घटनामा संलग्नलाई कडा कारबाहीको माग समेत गरेका छन ।
बारम्बार अस्पतालका स्वास्थ्यकर्मीमाथि आक्रमण हुने गरेको भएपनि सुरक्षाको व्यवस्था नभएका कारण शुक्रबार फेरि स्वास्थ्यकर्मीमाथि आक्रमण भएको भन्दै संगठनहरुले दोषीलाई कडा करावाहीको माग गरेका हुन ।
उनीहरुले दोषीलाई कारवाही नभए आफुहरु आन्दोलनको कार्यक्रम घोषणा गर्न बाध्य हुने हुने जारी गरिएको विज्ञप्तीमा उल्लेख छ । यस्तै दोषीलाई कारवाहीको माग गर्दै भेरी अस्पताल नेपालगञ्ज परिसरमा बिहानैदेखि स्वास्थ्यकर्मीहरुले प्रदार्शन गरिरहेका छन् ।
