नेपालगञ्ज । कोरोना भाइरस रोकथामका लागि यू एस ए आइ डीको आर्थिक सहयोग, हेलेन केलर इन्टरनेशनलको व्यवस्थापन र नेपाल सरकारको समन्वयमा संचालित सुआहारा परियोजना मार्फत स्वास्थ्य सम्बन्धि आधारभुत स्वास्थ्य सुरक्षाका सामाग्रीहरु प्रदान गरिएको छ ।
परियोजनाले बाँके जिल्लास्थित सबै स्वास्थ्य संस्थालाई सर्जिकल मास्क, स्यानिटाइजर र पीपीइ सेटसहितको स्वास्थ्य सामाग्रीहरु बितरण गरिएको सुआहारा कार्यक्रम २ बाँकेका कार्यक्रम संयोजक बिकास रोकयाले जानकारी दिनुभयो ।
परियोजनाले कोरोना भाइरस (कोभिड-१९) को महामारीको बिकरात समयमा कार्यक्षेत्रमा अग्रभागमा रहेर स्वास्थ्य र पोषणको क्षेत्रमा काम गर्दै आएका स्थानीय तहका स्वास्थ्यकर्मीहरु र महिला समुदयिक स्वयंसेविकाहरुलाई स्वास्थ्य सामाग्री बितरण गरिरहेको जनाएको छ ।
परियोजनाको स्थानीय साझेदार संस्था भेरी वातावरणीय विशिष्टता समुह (बी-ग्रुप) ले बाँकेका सम्बन्धित स्थानीय तहहरुसँगको समन्वयमा स्वास्थ्य सामाग्री बितरण गरेको छ ।
स्वास्थ्य र पोषणका सेवाहरुलाई लक्षित समूहसम्म सुरक्षित तरिकाले पुर्याउन एकदमै आवश्यक रहेको भन्दै परियोजनाका कार्यक्रम संयोजक बिकाश रोकायाले स्वास्थ्यकर्मी र महिला समुदयिक स्वाथ्य स्वयंसेविकलाई स्वास्थ्य सामाग्री हस्तान्तरण गर्न लागिएको बताउनुभयो ।
यसैबीच एकिकृत पोषणको क्षेत्रमा काम गरिरहेको सुआहारा परियोजनाले स्थानीय एफएम स्टेशनहरुबाट कोभिड १९ सम्बन्धि सचेतनामुलक रेडियो संचार अभियान संचालन गरिरहेको छ ।
बाँके जिल्लाका घरधुरीहरुमा पोषण तथा कोभिड-१९ सम्बन्धि सन्देशमुलक सन्देशसहित दैनिक टेलिफोन परामर्श गर्ने काम भईरहेको रोकायाले बताउनुभयो ।
लक्षण चिन्ह लेखिएका व्यक्तिको पीसीआर जाँच गर्न सम्बधित ठाउँमा जान सल्लाह दिदै आएको छ । कोभिड-१९ पोजेटिभ देखिएका व्यक्तिलाई स्वास्थ्य केन्द्रसम्म पुर्याउन र फोन सम्पर्क गर्न सजिलो भएको स्वास्थ्यकर्मीको भनाई छ ।
यसैगरी परियोजनाले बर्दिया र दाङ्गका सम्पुर्ण स्वास्थ्य संस्था र महिला समुदयिक स्वाथ्य स्वंसेविकालाई सर्जिकल मास्क, स्यानिटाइजर र पीपीइ सेट लगायतका स्वास्थ्य सामाग्रीहरु बितरण गरेको छ ।
