नेपालगञ्ज । बाँकेमा कोरोना संक्रमणको दर घट्दै गएको छ । जिल्लाका ३ वटा प्रयोगशालाको ल्याबहरुमा जेष्ठ महिनमा भएको स्वाब परीक्षणले संक्रमणको दर घट्दै गएको देखाएको हो ।
जनस्वास्थ्य अधिकृत नरेश श्रेष्टका अनुसार बाँकेमा कोरोना संक्रमण दर घटेको छ । जेष्ठ १ गतेदेखि ३१ गते सम्ममा ३ वटा प्रयोगशालामा भएको परीक्षणमा पोजेटिभ दर प्रतिशत घटदै गएको अधिकृत श्रेष्ठले जानकारी दिनुभयो ।
जेष्ठ २ गते ७२ दशमलव ७ प्रतिशतसम्म पुगेको संक्रमण दर जेष्ठ ३१ गते ३२ दशमलव ४ प्रशितमा झरेको छ । तर जेष्ठ महिनामा २४ गते कोरोना संक्रमण दर १२ दशमलव ६ प्रतिशतमा झरेको थियो ।
