लमही । दाङमा मोटरसाइकल दुर्घटनामा परेर एक जनाको ज्यान गएको छ । आइतबार बिहान सात बजेतिर लमही नगरपालिका वडा नं ४ अर्नवा भन्ने ठाउँमा मोटरसाईकल दुर्घटना हुँदा प्यूठान सरुमारानी गाउँपालिका वडा नं ६ का ३४ वर्षीय युवराज रानाको मृत्यु भएको हो ।
पूर्वपश्चिम राजमार्ग अन्तर्गत पूर्वबाट पश्चिमतर्फ आउँदै गरेका राना सवार लु १५ प ६३२१ नम्बरको मोटरसाइकल बिहान सात बजेतिर दुर्घटनामा परेको थियो ।
तीब्र गतिमा रहेको मोटरसाइकल अनियन्त्रित भइ सडकदेखि झन्डै ६५ मिटर तल खसेको डिसपी रिजालले बताउनुभयो । घाइते रानालाई लमही अस्पताल पुर्याए लगतै चिकित्सकले मृत घोषणा गरेका थिए ।
रानाको आइतबार बिहान मोटरसाइल दुर्घटनामा मृत्यु भएपनि पहिचान खुल्न सकेको थिएन । दिउँसो मात्रै उनको पहिचान खुलेको दाङ जिल्ला प्रहरी प्रवक्ता डिएसपी मुकुन्दप्रशाद रिजालले जानकारी दिनुभयो ।
