नेपालगञ्ज । बाँकेको कोहलपुरमा पानीको ट्याङ्कीमा डुबेर एक बालिकाको मृत्यु भएको छ ।
कोहलपुर ११ का ओमप्रकाश शर्माकी ४ वर्षिय छोरी रिना शर्माको पानी ट्याङ्कीमा डुबेर मृत्यु भएको हो ।
बसन्ती अधिकारीको बन्दै गरेको घरको पानी ट्याङ्कीमा बालिकाको डुबेर मृत्यु भएको ईलाका प्रहरी कार्यालय कोहलपुरका प्रमुख डिएसपी रविन्द्र खनालले बताउनुभयो ।
प्रहरीका अनुसार बालिकाको शव पोष्ट मार्टमका लागि नेपालगंज मेडिकल कलेज कोहलपुरमा राखिएको छ ।
