बर्दिया । प्लान इन्टरनेशन नेपाल तथा सामाजिक सचेतन सरोकार मंच (स्याक नेपाल) बाँके र गेरुवा ग्रामिण जागरण संघको साझेदारीमा परियोजनाका कर्मचारीहरुको दुई दिने क्षमता बिकास तालिम ठाकुरद्धारामा शुरु गरिएको छ ।
उक्त दुइ दिने तालिमको स्याक नेपाल बाँकेका ७ जना तथा गेरुवा ग्रामीण जागरण संघ बर्दियाका ४ जना गरि ११ जना परियोजना कर्मचारीको सहभागीता रहेको छ ।
क्षमता बिकास तालिमको उदेश्य तथा यसको प्रकृयाका बारेमा प्लान इन्टरनेशनल नेपाल क्षेत्रिय कार्यालयका लन बिज्ञ बेद प्रसाद डांगीले जानकारी गराउनुभयो ।
दुइ दिने तालिमको सहजीकरण डांगीले गर्ने योजनाका साथ तालिम शुरु गरिएको छ । दुइ दिन सम्मको बसाइमा परियोजनामा भएका राम्रा अभ्यास तथा यसको कार्यान्वयन र प्रभावकारीताका लागि छलफल गरिने छ ।
तालिमको स्वागत तथा शुभारम्भ स्याक नेपाल बाँकेका सिकाइ परियोजना अधिकृत लक्ष्मी प्रसाद शर्माले गर्नुभएको थियो । तालिममा कोरोना संक्रमण हुन नदिन र संक्रमण बाट बच्नका लागी सामाजिक दुरि कायम गर्ने, माक्स सेनिटाइजर समयसमयमा प्रयोग गरिएको छ ।
