बैजनाथ । बाँकेको बैजनाथ गाउँपालिका वडा न ६ लाई बाल विवाह मुक्त वडा घोषणा गरिएको छ ।
सोमबार गाउँपालिका अध्यक्ष मान बहादुर रुचाल र उपाध्यक्ष शारदा रेग्मी विश्वकर्माले बाल विवाह मुक्त वडा घोषणाको प्रमाणत्र वडा अध्यक्ष भद्र बहादुर बस्नेतलाई हस्तान्तरण गर्नुभयो ।
घोषणा समारोहमा अध्यक्ष रुचालले बाल विवाह सधैका लागि अत्य गर्न स्थानीय समुदाय सचेत हुन आवश्यक रहेको बताउनुभयो । यस्तै गाउँपालिका उपाध्यक्ष विकले बाल विवाहका दिर्घकालिन असरबारे समुदाय सचेत हुन आवश्यक रहेको बताउनुभयो ।
गाउँपालिकाको नेतृत्व एव आयोजना तथा प्लान इन्टरनेशनल नेपालको आर्थिक सहयोग र सामाजिक सचेतन सरोकार मंच (स्याक नेपाल) बाँकेको समन्वय सहकार्यमा वडा घोषणा गरिएको हो ।
सो समारोहका अवसरमा बाल विवाह मुक्त वडा घोषणाका लागि क्रियाशिल किसोरी, बाल तथा युवा क्लब र संघ संस्थालाई प्रमाणपत्रले सम्मान प्रदान गरिएको थियो ।
