नेपालगञ्ज । भारतबाट अवैधरुपमा भन्सार छलिको विनचिटर र आटो रिक्सा प्रहरीले बरामद गरेको छ ।
जिल्ला प्रहरी कार्यालय, भन्सार कार्यालय, सशस्त्र प्रहरीको संयुक्त टोलीले जमुनाह नाका नजिकैबाट १३५ पीस विनचिटर र आटो रिक्सा बरामद गरेको सशस्त्र प्रहरी निरीक्षक जीवनलाल बुढाले जानकारी दिनुभयो ।
एउटा वीनचिटरको मूल्य करिव १ हजार रुपैयाँ पर्ने प्रहरीको भनाइ छ । यो हिसावले हेर्दा १ लाख ३५ हजार मूल्य बराबरको वीनचिटर बरामद गरिएको सशस्त्र प्रहरी निरीक्षक बुढाको भनाइ छ ।
भे १ स ९२९२ नम्वरको अटो रिक्साको हुडभित्र लुकाइछिपाइ ल्याउँदै गरेको अवस्थामा बरामद भएको हो ।
भन्सार कार्यालय प्रमुख जयबहादुर भण्डारी, सशस्त्र प्रहरी निरीक्षक बुढा र नेपाल प्रहरीका प्रहरी सहायक निरीक्षक लिलबहादुर बिकको टोलीले भारतबाट भित्र्याउने क्रममा सो वीनचिटर बुधवार राती साढे ८ बजे बरामद गरेको जनाएको छ ।
चेकजाँच गर्ने क्रममा आटो रिक्सा चालक फरार भएका थिए । थप अनुसन्धान भइरहेको छ ।
