बाँके । जिल्लामा ज्यान मार्ने उद्योगका दुई प्रतिवादी पक्राउ परेका छन् ।
जिल्ला प्रहरी कार्यालय बाँकेका अनुसार खजुरा गाउँपालिका वडा न–७ गुनाना बस्ने १९ वर्षीय समिर भाट र २९ वर्षीय कलिम भाट पक्राउ परेका हुन ।
उनीहरु गाउँमै घुमफिर गरिरहेको अवस्थामा पक्राउ परेका छन् । प्रहरीको टोलीले उनीहरुलाई बिहीबार बिहान पक्राउ गरेको जनाएको छ ।
गत बैशाख ९ गते पिपिसी इट्टा भट्टा उद्योगबाट फरार रहेको पाँच जना प्रतिबादीमध्ये तीन अझै फरार छन् ।
पक्राउ परेका उनीहरुको बाँके जिल्ला अदालतबाट म्याद थप गरी अनुसन्धान भइरहेको जिल्ला प्रहरी कार्यालय बाँकेका प्रवक्ता सुवास खड्काले जानकारी दिनुभयो ।
