साहिल शेष
नेपालगन्ज । नेपाल राष्ट्रिय आधारभूत विद्यालयले स्वास्थ्य चौकी गुरुवागाउँ वडा नम्बर ५ को सहयोगमा आफ्ना बालबालिकालाई कोरोना विरुद्धको खोप लगाएको छ ।
विद्यालयले कोरोना विरुद्धको खोप लगाउन आउन आह्वान गरेपछि बालबालिकाहरु स्वस्फूर्त रुपमा विद्यालय उपस्थित भइ खोप लगाएका हुन ।
१२ देखि १७ बर्ष उमेरका खोप लगाउने बालबालिकाको सहभागिता र खोपप्रति चासो बढेको बिद्यालयकी प्रधानाध्यापक संध्या शर्माले बताउनुभयो ।
यो भन्दा पहिलेको खोप अभियानमा जानकीका सर्वसाधारणले खासै चासो नदिएपनि अभिभावकले बालबालिकालाई खोप लगाउन उत्साहित देखिएका छन् ।
कोरोना विरुद्धको खोप लगाउनु पर्छ भन्ने चेतना यहाँका सर्वसाधारणमा बढेको छ । अहिले अभिभावकहरु उमेर पुगेका आफ्ना छोराछोरीलाई विद्यालयको खोप केन्द्रमा खटिएका स्वास्थ्य चौकी प्रमुख तामलाल बेल्बासेले कोरोना विरुद्धको खोप लगाउने बालबालिकाको सहभागिता उत्साहजनक रहेको बताउनुभयो ।
बुधबार विद्यालयका करिब दुई सय ३० जना बालबालिकालाई कोरोना विरुद्धको पहिलो (मोर्डेना) खोप लगाएको प्रधानाध्यापक शर्माले जानकारी दिनुभयो ।
