नेपालगन्ज । बाँकेकाे डुडुवा गाउँपालिका वडा नं-१ काे हजरत सामुदायिक वनमा बेवारिसे अवस्थामा कटान गरिएको सालकाे काठ बरामद भएको छ ।
सामुदायिक वनमा गस्ती गर्ने क्रममा साेमबार दिउँसाे कटान गरिएको अवस्थामा सालकाे काठ फेला परेकाे बाँके प्रहरीले जनाएको छ ।
प्रहरी चाैकी खडैचा, सामुदायिक वन उपभोक्ता समुहका पदाधिकारी र नेपालगंज सवडिभिजन वन कार्यालयका बाँकेबाट खटिएको संयुक्त टोलीले सालकाे काठ ५०.१० क्यूफिट फेला पारेकाे थियाे ।
फेला परेकाे उक्त काठहरु हजरत सामुदायिक वनका पदाधिकारीहरुलाई बुझाईएको प्रहरीले जनाएको छ ।
