बाँके । जिल्लाका दुई प्रहरी कार्यालयमा कोरोना संक्रमण पुगेको पाइएपछि मंगलबारदेखि कार्यालय नै सिल गरिएको छ ।
वडा प्रहरी कार्यालय नेपालगन्जका ६ जना प्रहरी तथा इलाका प्रहरी कार्यालय कोहलपुरमा रहेका एक थुनुवामा कोरोना संक्रमण पुष्टि भएपछि दुई वटै कार्यालय सिल गरिएको हो ।
वडा प्रहरी कार्यालयका ७ जनाको कोरोना जाँच गर्दा ६ जनामा संक्रमण पुष्टि भएपछि मंगलबार साँझदेखि कार्यालय शिल गरिएको हो भने कोहलपुर प्रहरी चौकी मंगलबार बिहानदेखि नै सिल गरिएको छ ।
