साहिल शेष राई (ताहिर), नेपालगञ्ज । नेपाल निजामती कर्मचारी युनियनले आफूहरूले विगतदेखि उठाइरहेका माग सम्बोधन गरेर मात्र संघीय निजामती सेवा ऐन ल्याउन माग गरेका छन् ।
सोमबार जिल्ला प्रशासन कार्यालय बाँकेमार्फत युनियन बाँके अध्यक्ष उद्धव प्रसाद श्रेष्ठसहित पदाधिकारीले आफूहरूले उठाएका माग सम्बोधन गर्न आग्रह गर्नुभएको छ ।
समायोजनबाट मर्कामा परेका कर्मचारीलाई एक पटक पुन स्वेच्छिक रूपमा रोजेको तहमा जाने व्यवस्था मिलाउन समेत युनियनको माग छ ।
युनियनले आज ७७ जिल्लाका प्रमुख जिल्ला अधिकारीमार्फत् आफूहरूले उठाएका माग सम्बोधन गर्नुपर्ने बताउँदै ज्ञापन पत्र बुझाएका हुन ।
