गुलरिया । प्लान इन्टरनेशनल नेपाल तथा सामाजिक सचेतन सरोकार मंच (स्याक नेपाल) बाँकेको साझेदारिमा संचालित बाँके र बर्दिया जिल्लाका ६ गरि ७ वटा पालीकाहरुका २५ वटा बिधालयमा परियोजना मार्फत बिभिन्न कृयाकलाप संचालन गर्दै आइ रहेको छ ।
तसर्थ मधुवन नगरपालीकाको वडा नं १ र २ मा पर्ने सुर्य आधारभुत बिधालय वडा नं २ र सरस्वती आधारभुत बिधालय वडा नं १को बिधालयको अनुगमन तथा शिक्षक बिधालय ब्यबस्थापन समिती तथा प्रधानाध्यापकसंग अन्तरक्रिया गरिएको छ ।
प्लान इन्टरनेशनल नेपाल तथा सामाजिक सचेतन सरोकार मंच बाँकेबाट बिधालय तहमा शिक्षक तालिम नमुना कक्षाकोठा ब्यबस्थापनका लागी सामाग्री सहयोग, आइसिटि सहयोग हरु भएको थियो ।
बिधालयमा परियोजना संचालनपछि भएका असल अभ्यास तथा आगामी दिनमा परियोजनालाइ दिर्गकालीन रुपमा बिधालय स्थमा नियमित राख्नका लागी बिधालयका सरोकारवालाहरुको भुमिका तथा यसको प्रभावकारीताका बिषयमा समेट छलफल गरिएको छ ।
अनुगमन गरिएको सुर्य आधारभुत बिधालयका प्रधानाध्यपक श्री प्रशुराम चौधरीले बिधालय तहमा परियोजना संचालन पछिकक्षागत बिधाथि भर्ना सकरात्मक रुपमा बढेको,बा.बि.केन्द्रदेखि कक्षा ३ सम्म कक्षा सबलिकरणले बालबालीकाको बालमैत्री कक्षाको कोठाको रुपमा निर्माण हुदा बालबालीकाहरुको नियमितता बढेको छ ।
परियोजना संचालनपछि बिधालयमा बालबालीकाहरुको निरन्तर विद्यार्थी मुल्याकंण प्रणालीलाई व्यवहारमा उतारेको छ । बसाई, सराई बाहेक अन्य कारणले कक्षा नछाड्ने कारण घटेको बताउँदै औषत उपस्थिति दरमा बृद्धि भएको जानकारी दिनुभयो ।
नेपाली तथा गणित बिषयमा बालबालीकाहरुले अक्षर, हरफ शब्दको उच्चारण गर्न सक्ने बानीको बिकास गर्नुका साथै लैगिंक समानतालाई प्रोत्साहन गर्ने शिक्षकको व्यवहारमा परिर्वतन गर्न सफल भएको बताउनु भयो ।
अनुगमनका क्रममा मधुवन नगरपालीकाका शिक्षा तथा खेलकुद शाखा प्रमुख नारायण प्रसाद खनालले बिगत ३ बर्षदेखि शिक्षा तथा खेलकुद शाखासंगको समन्वयकारी भुमिका निर्वाह गरि प्लान इन्टरनेशनल नेपाल तथा स्याक नेपाल बर्दियाले मधुवन नगरपालीकाको शिक्षामा गुणस्तरीयता बढाउनमा सहयोग तथा हातेमालो गर्दै आइरहेको र परियोजना संचालन भएका बिधालयमा शैक्षिक गुणस्तरमा बृद्वि भएको पाएको बताउदै सहयोगको दायरा अझ प्रभावकारी रुपमा लैजान र सबै बिधालयमा यसको कार्यान्वयनकाे अपेक्षा गरेको बताउँदै समन्वय र सहकार्यका लागी मधुवन नगरपालीका शिक्षा तथा खेलकुद शाखा तयार रहेको बताउनु भयो ।
अनुगमनमा शिक्षा तथा खेलकुद शाखा प्रमुख खनाल, संस्थाका कार्यसमिती सदस्य कैलाशमान श्रेष्ठ, परियोजना अधिकृत लक्ष्मी प्रसाद शर्मा, सुपरभाइजर दशलाल चौधरी, रेनु चन्द लगायतको सहभागीता रहेको थियो ।
