नेपालगञ्ज । स्थानीय तहमा नवनिर्वाचित अध्यक्षलाई सपथ ग्रहण गराइएको छ ।
आज शक्रबार बाँके डुडुवा गाउँपालिका अध्यक्ष नरेन्द्र कुमार चौधरी र खजरा गाउँपालिकाका नवनिर्वाचित अध्यक्ष डम्बर बिकले सपथ ग्रहण गर्नुभएको छ ।
बाँके जिल्लाका मुख्य निर्वाचन अधिकृत तथा जिल्ला न्यायधिस खडानन्द तिवारीले अध्यक्ष चौधरीलाई सपथ ग्रहण गराउनुभएको हो ।
सपथ लिएका चौधरी तथा बिकले ले अब गाउँपालिका उपाध्यक्ष, वडाध्यक्ष र सदस्यहरुलाई सपथ गराउनु हुनेछ । स्थानीय सरकार सञ्चालन ऐन २०७४ को दफा १०९ (१) बमोजिम सपथ ग्रहण गराइएको छ ।
सो ऐनको दफा १०९ (२) अनुसार अध्यक्षले उपाध्यक्ष, वडाध्यक्ष र वडा सदस्यहरुलाई सात दिनभित्र सपथ गराउनुपर्ने व्यवस्था रहेको छ ।
अध्यक्ष चौधरी डुडुवा गाउँपालिका अध्यक्षमा पुन : दोस्रो कार्यकालका लागि निर्वाचित हुनुभएको छ भने बिक खजुराको अध्यक्षमा पहिलो पटक निर्वाचित हुनुभएको हो ।
