बाँके । जिल्लामा थप एक कोरोना संक्रमण भएका व्यक्तिको मृत्यु भएको छ । यो संगै बाँकेमा कोरोना संक्रमण भएका मृत्यु हुनेको संख्या सात पुगेको छ ।
स्वास्थ्य कार्यालय बाँकेका अनुसार नेपालगन्ज वडा नं–९ का ५९ वर्षीय एक पुरुषको मृत्यु भएको हो । उनकोे आइतबार साझ ८: ३० बजे मृत्यु भएको जनाइएको छ ।
भदौ १८ गते पौने ३ बजे नेपालगञ्ज मेडिकल कलेज कोहलपुरमा भर्ना भएका संक्रमित पुरुषमा मुटुको रक्त नलि बन्द हुने समस्या रहेको थियो ।
उनको स्वास्थ्यमा सुधार नआएपछि समस्या बढ्दै गएर मृत्यु भएको अस्पतालले जनाएको छ । मृतकको भदौ १५ गते कोरोना परीक्षण रिर्पोट पोजेटिभ आएको थियो ।
कोरोना फोकल पर्शन नरेश श्रेष्ठका अनुसार उनी न्यु इन्द्रेणी होटेलमा नीजि आइसोलेसनमा बसेका थिए ।
