बाँके । जिल्लामा साताको शुक्रबार र शनिबार लाग्दै आएको निषेधाज्ञा हटाइएको छ ।
बुधबार बसेको जिल्ला कोभिड–१९ संकट व्यवस्थापन केन्द्रको बैठकले आगामी सातादेखि शुक्रबार र शनिबारको निषेधाज्ञा हटाएको होे ।
त्यस्तै कोरोना भाइरसबाट जोगिनका लागि सुरक्षाका उपायहरु अपनाउन आग्रह गरिएको छ ।
जिल्ला प्रशासन कार्यालय बाँकेले नेपालगञ्ज लगायतका क्षेत्रमा कोरोनाका बिरामी बढेपछि शुक्रबार र शनिबार दुई दिन निषेधाज्ञा जारी गरेको थियो ।
यद्दपि अहिले पनि बाँकेमा दैनिक रुपमा कोरोना संक्रमितहरुको संख्या देखिने क्रम जारी छ ।
