नेपालगन्ज । नेपाल शारीरिक सुगठन संघ बाँके जिल्ला तदर्थ समितिले विभिन्न निर्णय गरेकाे छ । अध्यक्ष रचना श्रेष्ठको अध्यक्षतामा शुक्रबार बसेकाे समितिकाे बैठले विभिन्न निर्णय गरेकाे हाे ।
बैठकले बाँके जिल्लाका फिटनेश क्लबहरूको तथ्याँक संकलन गर्ने निर्णय गरेकाे छ ।
लक्ष्मण क्लबका संचालक लक्ष्मण के.सी, नेपालगन्ज उपमहानगरपालिका वडा नम्बर २ का वडाअध्यक्ष मनोज श्रेष्ठ, ॐ फिटनेश कलबका संचालक लबराज श्रेष्ठ, बाँके शरिरिक सुगठन लुम्बिनी प्रदेशका कोषाध्यक्ष हुकुम केसीकाे उपस्थितिमा बसेकाे बैठकले जिल्ला छिट्टै शारीरिक सुगठन प्रतियोगिता गर्ने निर्णय गरेकाे छ ।
अध्यक्ष श्रेष्ठले अहिलेको कार्यसमिति सक्रिय रहेकोले काम गर्न सहज हुने बिश्वास गर्दै जिल्लामा शारीरिक सुगठन प्रतियोगिता छिटै गर्ने तयारी थालेकाे जानकारी दिनुभयो ।
बाँकेमा दुई वर्ष अघि शारिरिक सुगठन मेयर कप प्रतियोगिता समपन्न भएको थियो । प्रतियोगिताको उपाधि नेपालगंज वडा नम्बर २ का इमेक्स श्रेष्ठले जित्नुभएकाे थियाे ।
तदर्थ समितिले सल्लाहकारमा पुर्ब मन्त्री सुरेन्द्र हमाल, लबराज श्रेष्ठ, मनोज श्रेष्ठ, हुकुम केसी, अबदुल वाहिद मन्सुरीलाई चयन गरेको छ ।
