धनगढी । धनगढीमा अनुमति नलिएर अवैध रुपमा संचालित क्लिनिकका दुई जनालाई पक्राउ गरिएको छ ।
स्वास्थ्य कार्यालय कैलालीको समन्वयमा धनगढी उपमहानगरपालिका वडा नं-३ को बोराडाँडी र वडा नंं-७ को देवहरियामा अनुमतिविना सञ्चालन गरिएका दुई वटा क्लिनिकका सञ्चालकलाई मंगलबार पक्राउ गरिएको प्रहरीले जनाएको हो ।
बोराडाँडीमा रहेको अर्जुन क्लिनिकका सञ्चालक ४५ वर्षीय अर्जुन कुँवर र देवहरियाको अभिनव हेल्थ क्लिनिककी सञ्चालक २१ वर्षीया कमला बोहरालाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) कुलदिप चन्दले जानकारी दिनुभयो ।
पक्राउ गरिएका दुवै जनाविरुद्ध मुलुकी अपराध संहिता २०७४ अनुसार मुद्दा दर्ता गरेर आवश्यक अनुसन्धान भइरहेको प्रहरीले जनाएको छ ।
