नेपालगञ्ज । अछामी सेवा समाज बाँकेले १८ औं स्थापना दिवसको अवसरमा मानव सेवा आश्रममा रहेका व्यक्तिहरुलाई एक छाक खिर खाने बराबरको रकम प्रदान गरेको छ ।
समाज बाँकेले सोमबार नेपालगञ्जस्थित मानव सेवा आश्रममा पुगेर आश्रमका संयोजक उर्विन सापकोटालाई एक छाक बराबरको १२ हजारको चेक प्रदान गरेको हो ।
समाजका अध्यक्ष पुष्कर बहादुर खड्काले साउन १५ खिर खाने दिन र स्थापना दिवसको अवसर पारेर सहयोग गर्नुपर्ने भावना अन्यमा समेत जागृत होस भन्ने उद्देश्यले सहयोग गरिएको बताउनुभयो ।
आश्रममा हाल ५३ जनालाई रहेका छन् । समाजले बिभिन्न समयमा यसखालको सामाजिक कार्य गर्दै आएको जनाएको छ ।
