नेपालगञ्ज । बाँके प्रहरीले गौवध मुद्दामा फरार प्रतिवादीलाई पक्राउ गरेको छ । जिल्ला प्रहरी कार्यालय बाँकेका अनुसार गौवध मुद्दामा फरार नेपालगञ्ज उपमहानगरपालिका वडा नं-१६ का ओलीउद्दिन जोलाहलाई पक्राउ गरेको हो ।
जोलाह हाल नेपालगञ्ज वडा नं-१७ स्थित थुकैला बस्दै आएका थिए । उनलाई जिल्ला अदालत बाँकेले २०७९ चैत्र २ गतेको फैसलाले पाँच महिना ८ दिन कैद सजाय सुनाएको थियो ।
प्रहरीका अनुसार ५२ वर्षीय जोलाह हालसम्म फरार रहेका थिए, भने यही १६ गते बुधबार पक्राउ गरि अदालत उपस्थित गराइएको छ ।
