नेपालगञ्ज । बाँके प्रहरीले अबैध रुपमा नेपाल ल्याइएको राँगा नियन्त्रणमा लिएको छ । प्रहरीले बाँकेको डुडुवा गाउँपालिका वडा नं-६ स्थित भारतको सीमा क्षेत्र भएर नेपाल ल्याइएको चार जिउ राँगा नियन्त्रणमा लिएको हो ।
जिल्ला र इलाका प्रहरी कार्यालय हिरमिनियाको संयुक्त प्रहरी टोलीले अबैध रुपमा ल्याइएको राँगाहरु डुडुवा गाउँपालिका वडा नं-६ हिरमिनियाको मुन्सिपुर्वाबाट नियन्त्रणमा लिएको जिल्ला प्रहरी कार्यालय बाँकेले जनाएको छ ।
प्रहरीको टोलीलाई देखेपछि राँगा ल्याउन लागेकाहरु फरार भएको बाँके प्रहरी प्रवक्ता नारायण डाँगीले जानकारी दिनभयो । उहाँका अनुसार बरामद राँगाको मुल्य करिब एक लाख ४० हजार रहेको छ ।
उक्त राँगाहरु आवश्यक कारबाहीको लागि नेपालगञ्ज भन्सार कार्यालयमा पठाइएको छ ।
