नेपालगञ्ज । बाँके प्रहरीले भारतबाट तस्करी गरी नेपाल ल्याएको कुखुरा बरामद गरेको छ ।
जिल्ला प्रहरी कार्यालय बाँकेबाट खटिएको प्रहरी टोलीले बाँकेको राप्तीपारी क्षेत्रबाट आइतबार अबैधरुपमा रहेको ११० वटा ब्रोइलर कुखुरा बरामद गरेको हो ।
प्रहरीले रापतिसोनारी गाउँपालिका वडा नं ४ कुमर गाँउस्थित भारतबाट ल्याईएको अन्दाजी मूल्य रु ६६ हजार बराबरको ११० वटा ब्रोईलर कुखुरा बेवारिसे अवस्थामा फेला परेको जनाएको छ ।
बरामद कुखुरालाई आवश्यक कारबाहीका लागि पशु क्वारेन्टाईन कार्यालय नेपालगञ्जमा पठाईएको छ । प्रहरीले कुखुरासहित तस्करी गर्न प्रयोग गरिएको मोटरसाइकल समेत नियन्त्रणमा लिएको जनाएको छ ।
कुखुरा ल्याउँदै गर्दा प्रहरीलाई देखेपछि तस्करले मोटरसाइकल र कुखुरा छाडेर भागेका थिए ।
