ठाकुरबाबा, बर्दिया । किशोरकिशोरीहरुको क्षमता अभिबृद्धिका लागि बर्दियाकाे बाँसगढी नगरपालिकास्थि ठाकुरद्धारामा नेतृत्व विकास तालिमको आयोजना गरिएको छ ।
तालिममा ठाकुरबाबा नगरपालिकाका विभिन्न १० वटा बिद्यालयका २४ जना किशोरकिशोरीहरुको सहभागिता रहेको छ ।
दुई दिनसम्म चल्ने तालिममा किशोरकिशोरीहरुलाई नेतृत्व विकास, बाल क्लबको महत्व तथा परिचालन, बाल विवाह न्युनिकरणमा किशोरकिशोरीहरुको भुमिका र यौन तथा प्रजनन स्वास्थ्यका बारेमा सहजिकरण हुने आयोजकले जनाएको छ ।
किशोरकिशोरी उमेरमा नेतृन्व विकास तालिमले सहि निर्णय लिन सक्ने, बालविवाह जस्ता हानिकारक अभ्यासको बारेमा समुदाय तथा बिद्यालयमा परिचालन हुने यो तालिमको उद्धेश्य रहेको छ ।
बि-ग्रुप र प्लान नेपालको साझेदारीमा संचालित बाल विवाह न्युनिकरण परियोजना अन्तर्गत संचालन भएकाे तालिममा शिव लाल पाण्डेले सहजिकरण गरिरहेकाे संस्थाकी फिल्ड सुपरभाइजर माया खड्काले जानकारी दिनुभयो ।
