ठाकुरबाबा, बर्दिया । बर्दियाको ठाकुरबाबामा शिक्षकहरूका लागि लैंङ्गिक रुपान्तरण र समाबेशी शिक्षण पद्धति विषयक तीन दिने क्षमता विकास गोष्ठी सम्पन्न भएको छ ।
समावेशी शिक्षा परियोजना अन्तर्गत विद्यालयमा लैंङ्गिक रुपान्तरण र समावेशी शिक्षण कृयाकलाप संचालनका लागि शिक्षकहरुको पेशागत क्षमता विकास र कक्षा कोठामा सिकाइ गर्ने उद्देश्य पूरा गर्नका कार्यशाला गोष्ठी संचालन गरिएको थियाे ।
साउन १० गतेदेखि १२ गतेसम्म संचालन भएको गोष्ठीमा २७ विद्यालयका शिक्षकहरुको सहभागीता रहेको थियो । गोष्ठिको पहिलो दिन लैंङ्गिक संवेदनशिल शिक्षण सिकाईको लागि विद्यालयले गरेको असल अभ्यासहरु, अपाङ्गता
संवेदनशिल शिक्षण सिकाइको लागि विद्यालयले गरेको असल प्रयास र अपाङ्गताको परिभाषा, प्रकार, सेवा सुविधा, सिकाई समस्याहरु र राष्ट्रिय ऐन, कानून तथा नीतिहरुका बारेमा शिक्षकहरुलाई प्रशिक्षण गराइएको थियो ।
गोष्ठीको दोस्रो दिन लैंगिक संवेदनशिल शिक्षण तथा सिकाई प्रक्रिया, प्रारम्भिक बालविकासको अवधारणा महत्व तथा सर्वाङ्गीण बाल विकासको पक्षहरुको बारेमा जानकारी गराइएको थियो ।
त्यस्तै तेस्रो दिन लैंङ्गिक रुपान्तरण र अपाङ्गता भएका बालबालिका समावेशी कक्षा कोठा व्यवस्थापनका विषयमा सहजीकरण गरिएको थियो ।
भेरी वातावरणीय विशिष्टता समुह (बि-ग्रुप) को आयोजनामा भएकाे संस्थाका प्राविधिक संयोजक लक्ष्मी प्रसाद शर्माले जानकारी गराउनुभयो ।
कार्यक्रममा समावेशी शिक्षा परियोजनाका प्रवन्धक भानु लिम्बु, प्राबिधिक संयोजक शर्माको सहभागिता रहेकाे थियो भने गोष्ठीको सहजिकरण संजिव कुमार जोशीले गर्नुभएको थियो ।
