नेपालगञ्ज । नेपालगञ्जका युवा व्यवसायी आदित्य गुप्ता सम्मानित हुनुभएको छ । व्यवसायी गुप्ता नेपालगञ्ज उद्योग वाणिज्य संघको ३२ र ३३ औं वार्षिक साधारणसभाको अवसरमा सम्मानित हुनुभएको छ ।
नेपालगञ्जस्थित लजिज पिज्जा वर्ड र श्री लक्ष्मी ग्लास हाउसका प्रोप्राईटर आदित्य गुप्ता उत्कृष्ट युवा व्यवसायीको रुपमा सम्मानित हुनुभएको हो ।
कठिन परिश्रम र कडा संघर्षद्वारा नयाँ आयाम प्रदान गरी आफ्नो विशिष्ट पहिचान र यूवाहरुको प्रेरणाको स्रोत भई अग्रणी भूमिका निर्वाह गरेको भन्दै संघले सम्मान गरेको जनाएको छ ।
गुप्ताले युवा व्यवसायीका रुपमा गरेको कार्यको उच्च मूल्याङ्कन गर्दै साधारण सभामा लुम्बिनी प्रदेश सरकारका आन्तरिक मामिला तथा कानुन मन्त्री आदेश कुमार अग्रवाल र संघका अध्यक्ष टंक बहादुर धामीले दोसल्ला र माला लगाएर सम्मान पत्र प्रदान गर्नुभएको थियो ।
