नेपालगञ्ज । नेपालगञ्ज उपमहानगरपालिकामार्फत प्रदान हुने सेवा शुक्रबार रोकिने भएको छ ।
उपमहानगरपालिकामा कार्यरत एक कर्मचारीको निधनको शोकमा यही मंसिर २१ गते शुक्रबार एक दिन शोक बिदा दिइएको छ ।
उपमहानगरपालिकाले एक सूचना जारी गर्दै नेपालगञ्जका २३ वटै वडाबाट प्रदान हुने सेवा शुक्रबार बन्द गरिने जनाएको छ ।
उपमहानगरपालिकाको वातावरण तथा सरसफाई शाखामा कार्यरत रामरती बाल्मिकीको निधन भएकाे हाे ।
उपमहानगरले बाल्मिकीकाे निधनप्रति दु:ख व्यक्त गर्दै मृतआत्माकाे चीर शान्तिकाे कामनासहित समवेदना प्रकट गरेकाे छ ।
