अन्जली राजी,
नरैनापुर । बाँकेको नरैनापुरका वडाहरुमा हातेमालो परियोजनाको सुरुवाती कार्यशाला संचालन गरिएको छ । स्थानीय तहको समन्वय सहकार्यमा बाँकेमा सामाजिक विकास मंच (एस डिएफ) ले हातेमालो परियोजना संचालन गरेको हो । सोही परियोजनाको सुरुवाती कार्यशाला नरैनापुरका वडाहरुमा संचालन गरिएको छ ।
शुक्रबार नरैनापुरको वडा नम्बर ५ र ६ गरिएको थियो । बालबालिकाको पोषण, बाल विकास, खानेपानी तथा सरसफाईमा सुधार ल्याउने परियोजनाको लक्ष्य रहेको एसडिएफका शिक्षा अधिकृत सहजराम यादवले जानकारी दिनुभयो । उहाँका अनुसार नरैनापुरका वडाहरुमा संचालन गरिएको कार्यशालामा परियोजनाले गर्ने कार्य, यसअघि संचालन भएका कार्यको प्रतिवेदन प्रस्तुत गर्ने गरिएको छ ।
संस्थाले यसअघि पनि यो परियोजना अन्तर्गत कार्यक्रमहरु संचालन गरेको थियो । शिक्षा अधिकृत यादवका अनुसार हालसम्म नरैनापुरको वडा नम्बर १, २, ५ र ६ मा यो कार्यक्रम गरिएको छ । अब ३ र ४ नम्बरमा यो कार्यक्रम गर्न बाँकी छ । वडास्तरमा भइरहेको यो कार्यशालामा सम्बन्धित वडाअध्यक्षहरुको उपस्थिति हुने गरेको छ ।
परियोजना अन्तर्गत नरैनापुरका बाल संरक्षण अधिकृत बृजेन्द्र यादवले कार्यक्रममार्फत कसरी नरैनापुरको शिक्षा, स्वास्थ्य, खानेपानी, बाल अधिकारलगायतका कुरामा सकारात्मक परिवर्तन ल्याउने सक्नेबारे साझा लक्ष्य प्रस्तुत गर्नुभएको थियो ।
