नेपालगन्ज । बाँकेको बैजनाथ गाउँपालिकाले यही फागुन १५ गते सार्वजनिक बिदा दिएको छ ।
गाउँपालिकाले मंगलबार एक सूचना जारी गर्दै बैजनाथ गाउँपालिका मातहतका सम्पूर्ण कार्यालयहरुमा १५ गते सार्वजनिक बिदा रहने जनाएको हो ।
प्रमुख प्रशासकीय अधिकृत कमलराज उपाध्यायका अनुसार १५ गते मगर दिवस परेकाले गाउँपालिकामा सार्वजनिक बिदा गरिएको छ ।
मंगलबार बसेको गाउँपालिकास्तरीय निर्णय अनुसार सो दिन बिदा दिने निर्णय भएको प्रमुख उपाध्यायले बताउनुभयो ।
यस दिन गाउँपालिका मातहतका कार्यालय वडा कार्यालय, स्वास्थ्य एवं सम्पूर्ण शिक्षण संस्थाहरु, सार्वजनिक संघ संस्थाहरुमा स्थानीय बिदा रहने भएको छ ।
