कैलाली । कैलालीमा वर्षासँगै आएको बाढीमा दुई स्थानका २१ घर डुवानमा परेका छन् ।
कैलालीको जोशीपुर गाउँपालिकामा २० र घोडाघोडी नगरपालिकामा एक गरी २१ घर डुवानमा परेको प्रहरीले जनाएको छ।
जोशीपुर १ राजीपुर र वडा नम्बर ३ को एक टोलमा काडा नदीमा आएको बाढी गाउँमा पसेको जिल्ला प्रहरी कार्यालय कैलालीका प्रहरी नायव उपरीक्षक प्रतिक विष्टले बताउनुभयो ।
उहाँका अनुसार दुवै वडामा २० घर डुवानमा परेका छन् भने दुई फिटभन्दा बढी पानी जमेको छ । वडा नम्बर ३ का हिरालाल चौधरीको घर भत्किएको विष्टले जानकारी दिनुभयो ।
यसैगरी घोडाघोडी नगरपालिका वडा नम्बर २ टनकपुरमा लक्ष्मी न्यौपानेको घर पनि डुवानमा परेको छ ।
