नेपालगञ्ज । कोरोना संक्रमित बिरामीको उपचारका लागि प्रयोग हुने लिक्विड अक्सिजन नेपालगञ्ज मेडिकल कलेज शिक्षण अस्पताल कोहलपुर पुगेको छ ।
नेपालगञ्ज मेडिकल कलेज शिक्षण अस्पताल कोहलपुरका लागि लिक्विड अक्सिजन भारतको झारखण्डबाट नेपाल ल्याइएको नेकपा एमाले जिल्ला अध्यक्ष सुर्य ढकालले जानकारी दिनुभयो ।
लुम्बिनी प्रदेशका मुख्यमन्त्री शंकर पोखरेलले ७ घण्टा पहिले बाँकेको कोहलपुरमा लिक्पिड अक्सिजन पुगिसकेको स्टाटस पोष्ट गरे पनि कोहलपुरमा दिउँसो ३ बजे लिक्पिड अक्सिजन बोकेको ट्याङ्कर पुगेको हो ।
लिक्विड अक्सिजनले कोभिड १९ का संक्रमितहरुको उपचारमा थप सहजता आउने छ ।
