नेपालगन्ज । बाँकेमा मानव बेचबिखन तथा ओसारपसार मुद्दाका फरार प्रतिवादी पक्राउ परेका छन् ।
मानव बेचबिखन तथा ओसारपसार मुद्दामा फरार रहेका नेपालगन्ज उपमहानगरपालिका वडा न- ३ एकलैनी बस्ने २७ वर्षीय सदाव हलुवाईलाई जिल्ला प्रहरी कार्यालय बाँकेबाट खटिएको Special Task Force Team ले शनिबार पक्राउ गरेकाे हाे ।
जिल्ला प्रहरी कार्यालय बाँकेका अनुसार जिल्ला अदालत बाँकेको मिति २०७७।०९।०१ गतेको फैसलाले ५ महिना कैद सजाय तोकिएका हलुवाई हालसम्म फरार थिए ।
पक्राउ परेका हलुवाईलाई प्रहरीले आवश्यक कारवाहीका लागि जिल्ला अदालत बाँकेमा बुझाएकाे छ । याेसंगै बाँकेमा हालसम्म ५८० जना फरार अभियुक्त पक्राउ परिसकेका छन ।
