नेपालगञ्ज । नेपालगञ्ज उपमहानगरपालिका वडा नम्बर ८ एकलैनी स्थित माता महाकालीको मन्दिरमा कोरोना महामारी रोकथामका निमित्त माता महाकाली क्षमाप्रार्थना तथा महायज्ञ गरिएको छ । शानिबार सांझ ६ बजे क्षमाप्रार्थना तथा महायज्ञ गरिएको हो ।
बाँके जिल्ला तथा देशभर कोरोना महामारी बढेकोले महामारीबाट जिल्ला, देश वा समुदायलाई सुरक्षित राख्न क्षमाप्रार्थना तथा महायज्ञको कार्यक्रमलाई जय श्रीराम लाठी क्लबले आयोजना गरेको थियो । लाठी क्लबका पदाधिकारीहरुको सहयोगमा क्षमा पुजा तथा महायज्ञ समापन भएको थियो ।
क्षमाप्राथना तथा महायज्ञ कार्यक्रम स्थानीय अगुवा रमेशचन्द्र कुमालको संयोजकत्वमा भएको थियो । यसैगरी कुमालले सो अवसरमा सहयोग गर्नुहुने सम्पूर्ण लाई हार्दिक आभार व्यक्त गर्नुभयो ।
