नेपालगञ्ज । लागु औषध मुद्दाका फरार एक अभियुक्तलाई पक्राउ गरेको छ । जिल्ला प्रहरी कार्यालय बाँकेका अनुसार लागु औषध मुद्दाका फरार खजुरा गाउँपालिका वडा नं २ का १९ बर्षीय दिपक थापालाई मंगलबार फक्रा गरिएको हो ।
थापालाई एक महिनाको सजाय तोकिएको थियो । तर उनी फरार भएका थिए । जिल्ला अदालत बाँकेले २०७७ पुष २ गतेको फैसलाले १ महिना ४ दिन कैद तोकिएको थियो ।
पक्राउ परेका थापालाई आवश्यक कारवाहीको लागि अदालत बुझाइएको छ । जिल्लामा हालसम्म ५ सय ८४ जना फरार अभियुक्त पक्राउ परिसकेका छन ।
