नेपालगञ्ज । बाँकेमा जारी निषेधाज्ञा पुन: एक साता बढाइएको छ । जिल्ला प्रशासन कार्यालय बाँकेले सोमबार एक सूचना जारी गर्दै जिल्लामा जारी निषेधाज्ञा थप एक सता बढाएको जनाएको छ ।
यसअघि निषेधाज्ञाको समयावधी आज राती १२ बजेसम्म रहेको छ । जिल्लामा अझै कोरोनाका बिरामीहरुको संख्या बढि नै रहेको र नियन्त्रण हुने क्रममा रहेकाले जेष्ठ ३१ गते राती १२ बजेसम्मका लागि निषेधाज्ञा थप गरिएको उल्लेख छ ।
यस्तै यसअघि बिहान ६ देखि ९ बजेसम्म मात्र दैनिक उपभोग्य बस्तुका पसल, व्यसाय संचालन गर्न पाउने समयावधिलाई पनि बढाइएको छ । अब बिहान ७ बजेदेखि १२ बजेसम्म दैनिक उपभोग्य बस्तुका पसल, व्यवसाय स्वास्थ्य मापदण्डका साथ संचालन गर्न दिईने सूचानामा जनाइएको छ ।
