तुलसीपुर । दाङस्थित राप्ती प्रादेशिक अस्पताल तुलसीपुरका मेडिकल सुपरीटेन्डेन्ट डा.विनोद सिंहलाई केही युवाहरुले कालोमोसो दलेको छन ।
टाइडफाईड भएको बिरामीको कल्चार चेकजाँचको व्यवस्था नभएको बताएपछि डा.सिंहलाई कार्यकक्षमै पुगेर समूहले कालेमोसो दलेको हो ।
३ र ४ जनाको समूहले शुक्रबार पौने २ बजे मेसुको कार्यकक्षमै कालोमोसो दलेको जिल्ला प्रहरी कार्यालय दाङका सुरेश काफलेले जानकारी दिनुभयो । सर्जन परियारको नेतृत्वमा गएको टोलीले कालोमोसो दलेको खुलेको बताइएको छ ।
ईलाका प्रहरी कार्यालय तुलसीपुरमा सर्जन परियार, दिवस क्षेत्री र गणेस खड्काका विरुद्धमा उजुरी परेको र खोजी कार्य जारी रहेको एसपी काफ्लेले बताउनुभयो ।
