कुसुम । बाँकेको राप्ती सोनारी गाउँपालिका वडा नम्बर १ कुसुमस्थित गाभरमा बाघले मान्छे खाएको छ ।
गाभरस्थित भेरी राप्ती स्टाफ होटलमा काम गर्ने अन्दाजी ४५ वर्षीय ब्यक्तिलाई पाटे बाघले खाएको इलाका प्रहरी कार्यालय कोहपुरका डिएसपी रविन्द्र खनालले बताउनुभयो ।
आइतबार बेलुकीदेखि हराईरहेका उनको खोजी गर्दा सोमबार बिहान आधा शरीर खाएको अवस्था शव भेटिएको छ । केही समयदेखि होटलमा मजदुरी गर्दै आएका मृतकको ठेगाना भने खुल्न सकेको छैन ।
मृतकको शव पूर्वपश्चिम राजमार्गबाट करिव ५ सय मिटर उत्तरतर्फ निकुञ्ज भित्रको जंगलमा भेटिएको डिएसपी खनालले बताउनुभयो ।
डिएसपी खनालका अनुसार बाघले मृतकको आधा शरीर खाइसकेको छ ।
