नेपालगञ्ज । बाँके प्रहरीले बजारमा खोई मास्क अभियान अन्तर्गत मास्क बितरण गरेको छ ।
बाँके प्रहरीले दशै, तिहार तथा छठ पर्वहरुलाई मध्यनजर गर्दै कोभिड १९ को संक्रमण रोकथाम तथा न्युनिकरण गर्नको लागी मास्क बितरण गरेको हो ।
जिल्ला प्रहरी कार्यालय, बाँकेबाट नेपालगंज नगर एरियामा प्रहरी निरीक्षक ईश्वर देव गिरीको कमाण्डमा २० जनाको प्रहरी टोली खटीई सामुदायिक प्रहरी साझेदारी कार्यक्रम अन्तर्गत तपाईको मास्क खोई ? कार्यक्रम संचालन गरी स्थानिय सर्वसाधारणहरुलाई तीन हजार वटा मास्क वितरण गरेको जनाएको छ ।
