बाँके । बाँकेको खजुराका थप तीन जनामा कोरोना पुष्टि भएको छ ।
भेरी अस्पताल नेपालगञ्जमा भएको परीक्षणमा मंगलबार थप तीन जनामा कोरोना पुष्टि भएको हो ।
खजुरा गाउँपालिका वडा न–२ का ३१, ३४ र ३८ वर्षीय पुरुषमा कोरोना भाइरसको संक्रमण देखिएको छ ।
पछिल्लो २४ घण्टा यता भएको पाँच सय जनाको स्वाब परीक्षणका क्रममा बाँकेको खजुराका तीन जना र दाङको राप्ती गाउँपालिका वडा नं–२ र ८ का तीन जनामा कोरोना संक्रमण देखिएको छ ।
संक्रमितहरुमा राप्तीका २६, ४० र ४८ वर्षीय पुरुष छन् ।
