उद्योग, वाणिज्य तथा आपूर्ति मन्त्री गजेन्द्र हमालले राजीनामा दिने

काठमाण्डौं । नवनियुक्त उद्योग, वाणिज्य तथा आपूर्ति मन्त्री गजेन्द्र हमालले राजीनामा दिने बताउनुभएको छ ।

आज प्रधानमन्त्री शेरबहादुर देउवालाई भेटेर राजीनामा दिने तयारी उहाँको छ ।

आफूले स्वविवेक प्रयोग गरेको र विवादमा नफस्ने भन्दै उनले राजीनामा दिन लागेको बताउनुभएको छ । बाँके कांग्रेसका पूर्वसभापति रहनुभएका हमाललाई देउवाले मन्त्री बनाउनुभएको थियो ।

उहाँ सांसद पनि हुनुहुन्न । उहाँ नाताले प्रधानन्यायाधीश चोलेन्द्रशमशेर राणाका जेठान हुनुहुन्छ । मन्त्री चयनमा प्रधानन्यायाधीशलाई पनि भाग दिएको भन्दै अहिले चर्को आलोचना भइरहेको छ ।

उहाँ असोज २२ गते मन्त्री नियुक्त हुनुभएको थियो । उहाँ मन्त्री भएपछि कानुनविदहरूले पनि विरोध गरेका थिए ।

0 0 vote
Article Rating
Subscribe
Notify of
guest
0 Comments
Inline Feedbacks
View all comments