एजेन्सी । आफनै साथीको हत्या आरोप लागेका अमेरिकी रियल स्टेट व्यवसायी तथा करोडपति रोबर्ट डस्र्टलाई जन्मकैदको सजाय सुनाइएको छ ।
अमेरिकाको लस एन्जेलसस्थित एक उच्च अदालतले डस्र्टलाई आफ्ना मित्रको हत्या गरेको प्रमाणित भएपछि जन्मकैदको सजाय सुनाइएको हो ।
डस्र्टले सुसान बर्मनको टाउकोमा गोली हानी हत्या गरेको प्रमाणित भएको हो ।
आफ्नी पत्नी बेपत्ता भएको विषयमा बर्मनले प्रहरीलाई जानकारी गराउने डरले उनको हत्या गरेको स्वीकारेका छन् ।
टाउकोमा गोली लागेको अवस्थामा बर्मनको शव उनकै निवासमा फेला परेपछि अनुसन्धान थालिएको थियो ।
सोही क्रममा हत्या अभियोगमा डस्र्ट अमेरिकाको न्यू ओर्लियन्सबाट पक्राउ परेका थिए ।
७८ वर्षिय डस्र्टलाई जन्मकैदको सजाय भएपछि बर्मनका परिवारले राहतको महसुस गरेका छन् ।
अपराध सम्बन्धि लेखक बर्मन डस्र्टका प्रवक्ता रहेका थिए । डस्र्ट अमेरिकी करोडपतिको सूचीमा परेका व्यक्ति हुन् ।
