नेपालगञ्ज । नेपालगञ्ज उपमहानगरपालिकामा आज (आइतबार) सार्वजनिक बिदा दिइएको छ ।
नेपालगञ्ज उपमहानगरपालिका वडा नं ३ का वडा सदस्य जाफर हुसेन अन्सारीको निधनप्रति दुःख व्यक्त गर्दै आज (आइतबार) एक दिन शोक बिदा दिएको छ ।
उपमहानगरपालिकाका सूचना अधिकारी खिमानन्द अर्यालद्धारा जारी भएको सूचनामा आइतबार उपमहानगरपालिकाका अत्यावश्यक सेवा बाहेक सम्पुर्ण सेवा बन्द रहने जनाइएको छ ।
साथै उपमहानगरपालिकाले वडा सदस्य अन्सारीको निधनप्रति गहिरो समवेदना प्रकट गर्दै माघ ९ गते आइतबारका दिन २३ वटै वडा कार्यालयबाट प्रदान गरिने सेवाहरु बन्द रहने बताएको छ ।
अन्सारीको शनिबार दिउँसो आकास्मिक निधन भएको छ । वडा कार्यालयले समेत एक सूचना जारी गर्दै आफ्ना वडा सदस्यको निधनप्रति दुःख व्यक्त गरेको छ ।
