नेपालगन्ज । बाँके प्रहरीले नेपालगन्जबाट लागू औषध र लाखौं रुपैयाँसहित तीन जनालाई पक्राउ गरेको छ ।
साेमबार दिउँसो साढे १ बजे सिमा प्रहरी कार्यालय जयसपुरकाे प्रहरी टाेली, लागू औषध व्युरो र बाँके प्रहरीकाे टोलीले नेपालगन्जबाट लागूऔषध र रकमसहित तीन जनालाई पक्राउ गरेकाे हाे ।
नेपालगञ्ज उपमहानगरपालिका वडा नं-१० स्थित ट्राफिक चाेक नजिकैबाट ३० ग्राम लागूऔषध ब्राउन सुगर र १ लाख ८३ हजार ६० रुपैयाँसहित तीन जनालाई पक्राउ गरेको बाँके प्रहरीले जानकारी दिएको छ।
पक्राउ पर्नेमा ३५ बर्षीया मुन्नी जोलाह, ३५ बर्षीया जरिना अन्सारी र ३९ बर्षीय कल्लु जोलाह रहेका छन् ।
